Log kehte hain Kore Kaagaz si hai Zindagi...
Kyun koste hain wo khud ko...
Dekhein kabhi nazar uthake geele kaagaz ko...
Jispe koi likhta bhi nahin, koi jalata bhi nahin...
Maano toh apne gum se bada koi gam nahin...
Na maano to tumhara gum kuch bhi nahin...

Haar gayi jindagi se ab,
Kya karun jeeke main ab.
Hathon se hath tera kya choota,
Jindagi se bhi hamara naata toota.
Laalach ka wo aisa beej boya tumne,
Nashe mein tere usko seencha humne.
Fal jab tak us vriksh pe aate rahe,
Tum humpe mohabbat barsaate rahe.
Nasheeli aankhon mein rahe hum gum,
Aur khelte rahe jindagi se hamari tum.
Hamare apne humse door hote rahe,
Aur tum kisi aur ke kareeb jaate rahe.
Dekh hota banjar is vriksh ki bhoomi ko,
Talaash liya tumne naye dhanvaan maali ko.
Un jadon ko hi tumne kaat diya,
Jisne har mod par tumhara sath diya.
Muskura rahe ho tum aaj karke hamein barbaad,
Loot ke saansein hamari, ho gaye tum aabaad.
Yun to koi gum na hai maut ke aane ka,
Tere naam ki thi jindagi, tere kaam aa gayi,
Jeete jee na sahi to,
marke hi tujhe khushi de gayi.